Narsaq
Aalisartut piniartullu allaanerusumik iganissamik pikkorissarneqarput
Narsami Inuilimi aalisartut piniartullu 16 igariaatsinik assigiinngitsunik pikorissarneqarput sapaatip akunnerani matumani. Nanortalimmi Qaqortumilu aamma assinganik pikkorissarneqassapput
Narsami inuussutissanut ilinniarfimmi Inuilimi iganermik pikkorissaasoqarpoq ulluni makkunani.
Aalisartut, piniartut kiisalu kalaalimineerniarfinni suleqataasut kalaallit nerisassiaannik nutaanik igariaatsinik ilinniartinneqarput. Tassani timmissat, aalisakkat puisillu qanoq allaanerusumik iganeqarsinnaanerannik pikkorissartinneqaput.
Immap sikunerata silallu atoruminarpallaannginnera pikkorissarnerup ullulerneqarnera eqqorluarpoq.
Nanortalimmi Qaqortumilu
Inuilimi pikkorissaaneq Kommune Kujalleq suleqatigalugu ingerlanneqarpoq ataasinngornermit tallimanngorneq ilanngullugu ingerlanneqarluni.
Nanortalimmi Qaqortumilu assinganik aamma pikkorissaasoqassaaq.
Aalisartut piniartullu igaavi ullumi tallimanngornermi suut igasimaneraat takuniarneqarsinnaapput, igaavilu aamma ooqattaarneqarsinnaapput. Taanna nalunaaqutaq 13-mit 16 ilanngullugu ingerlassaaq.