Air Greenland annaassiniarnermi peqataavoq
Air Greenlandip juulip qulingiluaanni SAR'imik annaassiniarneq oqaluttuaraa, canadamiu aalisartoq qalorsuarnit kalitsissimasumik ikiuineq
Juulip qulingiluaanni Nuummit 160 sømilinik ungasissusilimmi canadamiu aalisartup qalorsuarnik kalitsilluni annanniartariaqarnera pissanganartorsiorfiuvoq qujanartumilli ajunngitsumik kinguneqarluni.
Øystein Holmen, annaassiniarnermi peqataavoq S-61N Air Greenlandimi annaassiniarnermik oqartussaanerpaalluni, taassuma misigisartik Facebookimi allaaserisimavaa.
- Siullermik Ilulissanit Nuummut S61'imik ingerlaarpugut orserseqqaarniarluta ningittaatinik nakorsamillu ilaasussatsinnik aalliutigaluta. Tamatuma kingorna kimmut aallarpugut. Pujorluni siallermat isikkiviloqaaq atortorissaarutaannaat aallaavigalugit sumiissusersiortariaqarluta. Nal. ak. ataaseq minutsillu qulit qaangiummata sumiiffimmut orneqqusaasumut apuuppugut. Anori 20-25 knob, mallit meterit tallimat angullugit portussusillit, radarerput iluaqqusiullugu kilisaat nassaaraarput, Øystein Holmen Air Greenlandip Facebookiani allappoq.
Nangilluni allappoq minutsit qulit taamaallaat atorlugit umiartortoq annersimasoq helikopterimut qaqinneqarsinnaasimasoq, tamatumalu kingorna Nuummut timmisartuunneqarluni. Tamaat katillugu helikopteri nal. ak. tallimat minutsillu 35't silaannarmiippoq.
Sermitsiami atuarneqarsinnaavoq siunissami SAR'imik annaassiniartarnissaq aamma 2013 januaarip aallaqqaataa aallarnerfigalugu annaanneqarsinnaanngitsutit. Aviisi uani pisiarisinnaavat: