Air Greenland
Air Greenland meeqqanut atuaqatigiiaanut akinik appaavoq
'Atuaqatitit ilagalugit nunarsuaq misigisaqarfigiuk' oqariartaaseq atorlugu Air Greenland atuaqatigiiaanut Københavniliartussanut akinik nutaanik atulersitsivoq
Air Greenland aqqutigalugu meeqqat atuaqatigiiaat akikinnerusumik Københavniliarsinnaalerput.
Piffissani timmisartut atorpallaarneqanngiffiini timmisartuussinernut taakkununngarpiaq ingerlatseqatigiiffik atuaqatigiiaanut akinik iluanaaruteqarfiusinnaasunik neqerooruteqarpoq.
Københavnimut angalanissat Nuummiit, Sisimiuniit Ilulissaniilluunniit pisassapput, atuartumullu akit siumut uterlugulu kr. 4.200,-imiit aallartittassapput.
Pisiarineqarsinnaasut killeqarput
Neqeroorummi Nuup, Ilulissat, Sisimiut imaluunniit Kangerlussuup aamma Københavnip akornanni utimulluunniit angalasussanut bilitsit killeqarput, aallarfissallu tassaapput sapaatip akunnerini 2-14, 18-25 aamma 34-50.
Aamma illoqarfinni atuaqatigiit neqeroorummik atuisinnaapput, tassanili illoqarfimmit aallarfimmiit illoqarfiit annerit taaneqartut arlaannut angalanissamut tapiliussamik bilitseqartoqartariaqarpoq. Bilitsit Air Greenlandip nittartagaatigut inniminnerneqarsinnaanngillat call centerikkut imaluunniit mailikkut billitsit pisiarineqassallutik.