silarloreernerata kingorna
Air Greenland naliliivoq: Timmisartuussinerit arfininngorpat aatsaat pissusissamisuulissapput
Timmisartuutileqatigiiffik maannakkut angallassinissanik pilersaarusiuleruttorpoq. Kujataanili maannakkut sila ajortippoq. Arfininngorpat aatsaat timmisartuussinerit pissusissamisuulissasut naatsorsuutigineqarpoq
Hajja!
Air Greenland marlunngornermi pingasunngornermilu timmisartuussinissaminnik taamaatitsiinnareernermi kingorna ilaasussami ingerlaqqiffissaannut qaqagu ingerlaqqissanersut pilersaarusiuleruttorput.
Nuummi marlunngornermi pingasunngornermilu silarloreersoq, kujataani maanna silarlulerpoq.
- Ilaalusut kinguaattooqqasut tamarmik apuuffissaannukarniarlugit sulissuteqarpugut. Kujataanili ajoraluartumik silarlulerpoq. Narsarsuarmit Danmarkiliartussaagaluit ullumi, aqagumut, tallimanngornermut, angalanissaat kinguartinneqarpoq, Air Greenlandip attaveqaqatigiinnermut ataqatigiissaarisua Katrine Hjelholt Nathanielsen, Sermitsiaq.AG-mut oqarpoq.
Kingulliit arfininngorpat ingerlanneqassapput
Nerlerit Inaanit pingasunngormat timmisartuunneqartussaagaluit angalanissaat arfininngorpamut kinguartinneqarpoq.
- Sapaatip akunnerani matumani kinguaattoortut arfininngorpat tamarmik angalaffissaannukaassimanissaat naatsorsuutigaarput, Air Greenland naliliivoq.
Ilaasussat eqqorneqartut inniminniinerminnut allannguutit pillugit Air Greenlandimit sms-imik pissarsereerput imaluunniit angalatitsivinnit sullinneqarfimminnit mail-erfigineqareerlutillu sianerfigineqareerput.