timmisartuutileqatigiiffik
Air Greenlandip tuniniaanermut pisortaa suliunnaarpoq
Christian Keldsen Air Greenlandimi ukiuni aqqaneq marlunni atorfeqareerluni tunuarpoq
Illuatungeriit isumaqatigiissuteqarnerisigut, Air Greenlandimi tuniniaanermut pisortaq, Christian Keldsen septembarip qaammataata naaneranit suliunnaassaaq.
Tamanna Air Greenlandip tusagassiuutinut nalunaarutigaa.
- Sammisakka allat aallutissallugit aalajangerpara, tassani ilaatigut 2016-imi Arctic Winter Games, siulittaasuuffigisara, peqatigisaanillu taassuma naammassinerata kingorna unammilligassannik nutaanik ujarlissaanga, Christian Keldsen oqarpoq.
Christian ukiuni aqqaneq marlunni Air Greenlandimi sulinermini assigiinngitsunik suliaqarpoq, taakkunanilu annertunerit pisortatut sulinerupput. Sulinini Charterafdelingimi aallarnerpaa ukiullu pingasut qaangiuttut rute divisionimut Tuniniaanermut Ussassaarinermullu pisortatut nuuppoq. Kingornalu Christian 2011-mi tuniniaanermut immikkoortumi Chief Commercial Officerinngornisami tungaanut direktionsassistentitut sulivoq.
- Air Greenlandip suleqatigiinneq nuannaarutigaa, Christiaallu siunissami iluatsitsilluarnissaanik kissaapparput, pisortaaneq Michael Højgaard oqarpoq.