Aalisarneq
Ammassassuarniarneq rekordiliiffiusoq
Pisassiissutit 20.000 tonsit tamakkerneqangajalerput. Nunatta karsia millionilinnik isertitsissaaq
Tunumi ammassassuarniarneq ukioq manna rekordiliiffiuvoq.
– Ammassassuartassiissutinit 20.000 tonsinit 17.267 tonsit aalisarneqareerput, Kalaallit Nunaanni Aalisarsinnaanermut Akuersissutinik Nakkutilliisoqar mmeersoq Mads Rossing Lund sapaatip akunnerani uani Sermitsiamut oqarpoq.
Atuaruk: Avaleraasartoorniarneq naavoq – ammassassuarniarneq aallartippoq
Kisitsisit ukiuni siuliini Tunumi ammassassuarniarnermi pisarisartakkanut sanilliunneqassapput:
- 2015: 11.068 tonsit
- 2014: 11.186 tonsit
- 2013: 2.220 tonsit
Ammassassuarniarnerlu suli uninngilaq.
– Angallatit suli aalisaqataasut qanoq amerlatiginersut apeqqutaatillugu, aammalu aalisarfimmi suli ammassassuaqarnersoq apeqqutaatillugu naatsorsuutigisinnaavarput pisassat sapaatip akunneri 1-2 ingerlaneranni tamakkerlugit aalisarneqarumaartut, Mads Rossing Lund oqarpoq.
Sapaatip akunnerata siuliani 2.000 tonsit aalisarneqarsimapput – sapaatillu akunnerani kingullermi 1.300 tonsit aalisarneqarsimallutik.
Ammassassuarnut akitsuutit annikinnerusut
2016-imi ammassassuarniarnermi kalaallit angallataat arfineq-pingasut savalimmiormiullu angallataat ataaseq peqataapput (taanna aalisartinneqalerpoq kalaallit angallataannut amutsivimmi amoqqasumut taasiullugu).
Aalisarluarnermut pissutaasut Sermitsiami atuakkit