inuussutissarsiorneq
Aqqusinniortoqassanersoq paaserusunneqartoq
Sisimiunit Kangerlussuup tungaanut aqqusinniortoqarnissaanik Naalakkersuisut pilersaaruteqarnernut Inuit Ataqatigiinnit Peter Olsenimit paaserusunneqarpoq
Timmisartoqarfimmit Kangerlussuarmit Sisimiunut aqqusinniortoqarnissaa oqallisaajuarsinnarpoq.
Ilumut aqqusinniortoqassanersoq Inuit Ataqatigiinnit Peter Olsenimit paaserusunneqarpoq.
Tamanna pillugu Naalakkersuisunut paragraf 37 aqqutigalugu arlaqartunik apeqquteqarpoq.
Inuussutissarsiornermut iluaqutit
Aqqusinniortoqarnissaa misissorneqassanersoq ilaatigut Peter Olsenimit Naalakkersuisunut apeqqutigineqarpoq.
Aamma Sisimiunit Kangerlussuarmut aqqusinniorneq qanoq akeqassanersoq apeqquteqarpoq.
- Naalakkersuisut ilisimasaqarfiginerpaat Qeqqata Kommunea Kangerlussuarmiit Sisimiunut ATV-it aqqutigisinnaasaannik sanaartortitsiniartoq, ilaatigut Peter Olsenip apeqqutigaa.
- Naluneqanngitsutut naalakkersuinikkut anguniakkatta ilagilluinnarpaat inuussutissarsiutitigut ineriartortitsinissaq, inuussutissarsiornikkullu ineriartortitsiniarnitsinni takornariaqartitsinermik ineriartortitsinissaq pingaartilluinnakkat ilagaat; inuussutissarsiornikkut takornariaqartitsineq sukarsuit sisamaatut aamma isigaarput, Peter Olsen apeqquteqarnerminut tunngavilersuivoq.