pilluarit
assit takukkit: Stine Dronningens Fortjentsmedalje-mik nersornaaserneqarpoq
Stine Siegstad, Aasiaat, tallimanngormat Dronningens Fortjenstmedalje-mik nersornaaserneqarpoq. Tamanna pivoq kommunalbestyrelsip ataatsimiittarfikuani nalliuttorsiorpalaartumik katerisimaarnerm
Stine Siegstad Aasiaat napparsimmavianni peqqissaasutut, immikkoortoqarfimmi peqqissaasuunertut aamma angerlarsimaffimmi peqqissaasutut ukiut 43-t sinnerlugit sulisimasoq tallimanngormat nersornaammik Dronningens Fortjenstmedalje-mik nersornaaserneqarpoq.
Qaasuitsup Kommuniani borgmesterip tulliata siulliup Ane Hansenip dronningip nersornaasiuttagaa Stine Siegstadimut tunniuppaa.
Stine Siegstad piffissani sivisunerusuni arlaleriarluni Niaqornaarsuup peqqissaaviani Qeqertarsuullu napparsimmaviani taartaasutut suleqqammerpoq. Ukiut marluk matuma siornatigut soraarninngoraluarpoq, peqqissaasunilli amigaateqartoqarnera pissutigalugu Aasiaat napparsimmaviannit aggersarneqarsinnaasarsimavoq.
Ullut 14-it matuma siornatigut Stine Siegstad Aasiaat napparsimmaviannut uteqqippoq, piffissami sivisuumi Niaqornaarsummi taartaagallartutut sulisimalluni.