Atlantikup Avannaamiut Juullimut niuffatsitsinerat
Nordatlantisk Hus Odensemiittoq ileqquusoq malillugu ukioq manna juullimut niuaffatsitsivoq.
Arfininngornermi sapaammilu juullimut niuffatsitsisoqarpoq. Niuffatsitsisarnerit allat assigalugit illup pingasunik quleriillip inaanni ilitsiviit ulikkaarlugit assigiinngitsorpassuarnik imaqarput. Ilaatigut ilusilersukkat, assassukkat eqqumiitsuliallu.
Juullerpaluttunik nipilersortoqarpoq, soorunami nuannersumik jullerpalaartitsiniarsimapput, tamannami ulluni makkunani Coronap tuniluunnerata appasinnerpaaniitinniarnerani pisariaqartinneqarpoq. Coronapasseqanngikkaanni isertoqarsinnaanngilaq.
Juulimaap nulia
Juullimut niuffatsitisoqarneranut soorunami juulimaaq ilaasarpoq. Sapaatip ualinerani juulimaaq savalimmiormiut umiatsiaanik tikippoq.
Takkussuuttorpassuit
Ileqquusoq malillugu Odensermiorpassuit takkussuullutik tuniniarneqartunik takuniaapput. Juullimut tunissutissaminnik ataatsimik marlunnilluunniit pisiaqartarput, saqqummiussisorpassuarnik oqaloqateqartarlutillu nuannisarput. Arlaannik soqartuaannarpoq soqutigineqalersunik.
Atuakkanik soqutigisaqalaartuugaanni professorip Robert Petersenip maanna toqukkut qimagutereernikup atuakkiaasa ilaat nuannaarutigineqarsinnaapput. Robert Petersenip atuagarpaaluit ukiut arlallit matuma siornatigut Kalaallit Peqatigiiffiannut umiamut tunniussutigisimavai.
Peqatigiiffiup atuakkat tuniniarpai, karsertik imaqanngingajattuaannartoq iluaquserniarlugu. Kalaallit Illuani siulittaasoq Benny Nybo atuakkanik tuniniaasuuvoq. Benny Nybop Nordatlantiske spejlbilleder siusinnerusukkut saqqummersippaa, maannalu atuagaq Indianske drømme suliaralugu ingerlallugu.