kulturi
Avittat 150-t Nunatta Katersugaasivianut tunniunneqarput
Aallarnisaasartup Tage Schjøttip katersugarisimasani Nunatta Katersugaasivianut tunniuppai
Tage Schjøtt-ip Nunatta Katersugaasivianut tunniunniarpai avittat titartagartaat Helga Bruun de Neergaard-imit titartarneqarsimasut ullumi marlunngornermi.
Tage Schjøtt Narsami suleqarfik Eskimo Pels pilersippaa, puisit amiinik qaatiguuliat qanga kalaallit atisatoqaasa ilusaannik aallaveqartunik. Avittanik amerlasuunik katersaqarpoq.
Avittanik tunniussinermik 90-nik ukiulik Priscilla Josefsen peqataassaaq. Priscilla Josefsen 2008-mi Namminersornerullutik Oqartussanit nersornaaserneqarpoq.
Avittat titartagartaat Helga Bruun de Neergaard-imit titartarneqarsimasut Nunatta Katersugaasivianut ullumi tunniunneqassapput.
- Avittat titartakkat assinngiinngitsorpassuit nunatta kulturikkut oqaluttuarisaaneranut takussutissaapput. Ilaatigut 1970-kkunni mersortarfinnik pilersitsiortornerit, arnat peqatigiit kalaallisuunik suliaqarnermut siuarsaanerannik aammalu kalaallisuut aqqutigalugit kinaassutsimut ilisarnaatitut, Nunatta Katersugaasivianit Joelle Didde Jelsted oqarpoq.