Blok P qallunaat tusagassiiviini tamani
Blok P tallimanngornermi sulinermut atatillugu ajunaarfiunera qallunaat tusagassiiviini qulequttaavoq
Atuartartut tusindillit Nuummi blok P’mi sulinermut atatillugu ajunaarneq atuarpaat, angutip sanaartornermik suliallip annerujussuarneranoik nassataqartoq, illup ingutsikkami igaa assaassuarmut uppimmat. Kalaallit Nunaanni inissiarsuit annersaata oqaluttuassartaa Danmarkimi aviisit qulequtaannut aamma annguppoq.
Politikenimi atuarneqarsinnaavoq ”blok P’mi ajortorpassuit aamma ajunngitsorpassuit”, Inimi attaveqaqatigiinnermi pisortaq Else Løvstrømip inissiarsuup oqaluttuassartaanik pingaarnersiuinera.
- Kalaalerpassuit ilaatigut namminneq piumassuserinngisaminnik nunaqarfinnit illoqarfinnut nuutitat maanga nuupput.
- Blok P’mi ajortunik ajunngitsunillu imaqarpoq. Inuppassuit toqqissisimallutik tassani najugaqarsimapput, nuannarilluarlugu, allalli aamma ajorluinnartunik atugaqarsimapput. Tamaasa pigai, Else Løvstrøm politiken.dk-mut oqaluttuarpoq.
Allaaserisaq tamaat uani danskisut atuarsinnaavat-
Suliamut soqutigisallit atuagassiaanni Ingeniøren aama sulinermut atatillugu ajunaarneq eqqartorneqarpoq: "Grønlands største beboelsesejendom revet ned oven på gravko".
Taamattaaq Ekstra Bladets nittartagaanni allaaserisami uani.