Ilisimasassat naleqarluartut suliffeqarfiit pinngitsoorpaat
Sulisut ilisimasatik akunnerminni naammattumik aveqatigiinneq ajormatigit sullissat ikinnerunerat ilinniartitsinermullu pisariaqanngitsumik aningaasartuutit kingunerusarput, misissuinermi paasineqarpoq. Sermitsiaq atuaruk.
Suleqatimik ilisimasarpassuisa misilittagarpassuisalu ilaat pitsaanerusumik pissarsiffigiumallugit kalaallit sulisut kissaatigaat. Imminnut suliffimminnullu iluaqutissat. Ilisimasanik avitseqatigiittarneq aaqqissuunneqassasoq kissaatigaat, avataanilu suleqatigisat ilanngunneqarnissaat.
Kalaallit Nunaanni ingerlatsivinni 48-ni aamma pisortat ingerlatsiviini sisamat sinnerlugit sulisulinni Thomas Rosenkrands-ip misissuinerata tamanna takutippaa. Kalaallit Nunaanni Takornariartitsinermut Inuussutissarsiutinullu Isumasioqatigiinni siornagut pisortaaneruvoq, ullumikkulli Danmark-imi kommunemi suliffeqarluni, aammalu Tuluit Nunaanni University of Reading-imi nalinginnaasumik aqutsinermi MBA maannakkut naammassiniarlugu.
Sermitsiaq nr. 32-mi annerusumik atuarsinnaavutit tassani aamma ilisimasat pitsaanerusumik qanoq atorneqarsinnaasut taamalu naatsorsuutini pitsaanerusumik angusaqarlutit.