Inissiaqarfik ajorluinnartoq
Ester Laura Jensenip Ivalu Frank Larsenillu paasisinnaanngilaat blokki najugaqarfitsik peqqinnissamut aarlerinartulik suli atorneqarmat.
![Ester Laura Jensen aappaalu Mala Johnsen inissiapalaaq qimanniarlugu nammineq illusiniarnissaminnut ileqqaaleruttorput. Ukioq ataaseq tamanna anguniarniarpaat.](https://image.sermitsiaq.ag/590042.webp?imageId=590042&width=960&height=518&format=jpg)
Ester Laura Jensen Ivalo Frank Larsenilu nuannaaqaat Nuup illoqarfiata ilaani Nuussuarmi Manguaraq 37-mi inissiaqarfimmi sananeqarlaami inissiamik neqeroorfigitikkamik. Nuannaaqaat inissiami ukiunik qulikkuutaanik arlalinnik pisoqaassusilimmi sivikinnerpaamillu ukiuni qulikkuutaani marlunni aserfallatsaalineqarsimanngitsumi, najugaqassannginnamik.
- Inissiaq takuniaratsigu suut tamarmik ajunngippasipput. Suut tamarmik nutaajupput, igaffik nutaaq uffarfillu kusanarluinnartoq errorsivilik panersiivilillu, igaffimmilu nillataartitsiveqarpoq. Suut tamarmik kusanaqaat, Ester Laura Jensen oqaluttuarpoq.
Arnat taakkua marluk suli ilisimanngilaat inissiat iserterfitik qanoq naalliuutigitigissallugit. Nutaamik sanaartukkamut iserternerminnik nuannaaruutiginninnerat sukkasuumik qaangiuppoq, taarsiullugulu inissiaatileqatigiiffimmut Iserimmut sianeqattaartualerput saaffiginneqattaarlutillu, Iserip napasuliat taakkua marluk Sarfaarsuit ApS-imit attartorsimammagit, Permagreenillu napasuliat sanasimallugit.
- Inissiamik nutaamik qinnuteqarsimavugut, tamannali ajornarluinnarsimavoq utaqqisut taama amerlatigimmata, Ester oqarpoq.
Ilanngutassiaq tamaat AG-mi sapaatip akunnerani matumani saqqummersumi atuaruk, ugguuna aallugulu pisiarisinnaavat: