umiartorneq
Issittup imartaani umiartornissamut piumaqaatit sukateriffigineqarput
Avatangiisimut sillimaniarnermullu piumasaqaatit Issittumi kodemut sukateriffigineqarput
Issittumi umiartornermut maleruagassat januaarip aallaqqaataani atuutilissaaq. Naalagaaffiit peqatigiit umiartornermut kattuffia IMO issittumi umiartornermi malittarisassanut sukaterisoqarnissaa piumasarisimavaat.
Sukaterinerup angalanermi sillimaniarneq avatangiisinullu illersuiniarneq pitsanngorsaavigaa. Issittup imartaani umiartornerup annertulinissaata ilimagineqarmat IMO-p piumasaqaatinik Issittumi kodemut sukaterisoqarnissaa piumasaqaatigaat.
- Issittup imartaata annertussusaanut sanilliullugit umiartornerup annertuseriarnissaa ukiuni tulliuttuni ilimagineqarpoq. Piumasaqaatit ilimagisamut naapertuunnissai aporaaffiunnginnissaalu angallannermi sillimaniarnermut piujuaannartitsinissamullu naapertuuttariaqarput, IMO Issittumi kodemi sukaterisoqarnissaanut piumasaqaammini allappoq.
Atuaruk: Issittumut kode 2012-mi piariissaaq
Umiarsuup sananeqaataa, patajaassusaa, atortui, angalanermut pilersaarutaa ilinniarsimasunillu inuttaqarnera issittumi kode ilaatigut piumasaqaataanut ilaapput.
Issittullu imartaanut angalasinnaanermut akuersissutit piumasaqaatinut naapertuisoqarneratigut agguaanneqartarput.