akitsuutit
Kajumissaarut: Biilinut innaalagiamik ingerlasunut akitsuuteqannginneq sivitsorneqarli
Biilinik innaallagiamik, brintimik aamma plug-in-bybridinik ingerlasunik piginnittut tassanngaannaq nalornissuteqalerput, Namminersorlutik Oqartussat biilinut akitsuutinut inatsisissatut siunnersuut kalerriutigineqarsimasoq taamaatiinnarneqarnera pisstaalluni. Tamanna biilertunut mingutsitsinnginnerusunut erseqqissaaqqusinermik Sulisitsisunut kajumissaaruteqartitsivoq.
- Mingutsitsinnginnerusumik biileqarnerunissaanik anguniagaqarniarluni Naalakkersuisut tungaannit nalunaarutiginnittoqareersoq, biilinut tamanut tunngatillugu akitsuutit qanoq inissinneqarnissaannut ataatsimoortumik kisitsinnginnermi, biilit innaallagissamik ingerlateqartut aamma biilit plug-in-hybrid akitsuuteqalersinnissaat unitsinneqarallartariaqarpoq, Sulisitsisuni inatsisilerinikkut siunnersorti, Lars Krogsgaard-Jensen allappoq.
Ukiumik ataatsimik sivitsuisoqarli
- Taamaammat akitsuusersuinnginnerup ukiumik ataatsimik sivitsorneqarnissaa, Naalakkersuisut aalajangernissaat Sulisitsisut kajumissaarutigaat, Naalakkersuisullu mingutsitsinnginnissamut oqaluuserisaannut naammassinnittunik biilinut tamanut akitsuusersueriaasissamik taamaalilluni inissiisoqarniassammat, taakkulu biilinik niuertut aaqqiissuteqarfigisinnaaniassavaat, siunnersorti tusagassiuutinut nalunaarummi allappoq, taanna innaallagissamik ingerlasunik biililinnut nalornisitsiunnaarnissamik kissaateqarpoq.
Ukiup nikinnerani biilinut tamakkununnga akitsuuteqalissappat, biilinik innaallagiamik ingerlasunik aamma plug-in-hybridinik niuerneq unittuussasoq taassuma ilimagaa, tamatuma saniatigut biilinik benziinami aamma dieselimik ingerlasunut akitsuutit qanoq isikkoqarnissaat nalornissutaavoq.
Biilit mingutsitsinnginnerusut
- Kalaallit ullumikkut niuerneranni ungasissorlu eqqarsaatigalugu biilinik innaallagiamik ingerlasunik aamma plug-in-hybridinik pisisinnaanermut ammatitsillutik, biilinik niuertut tungaannit biilit mingutsitsinnginnerusut amerlinissaannik politikkikkut anguniakkanut naammassinnittoqarpoq, Lars Krogsgaard-Jensen oqarpoq, imatullu isumaqarpoq:
- Taamaattumik naalakkersuinikkut Naalakkersuisut biilinik taakkuninnga akitsuuteqartitsinnginnermut isumaat piaarnerpaamik nalunaarutigineqartariaqarpoq.