Angallanneq
Kiffartuussinissamut isumaqatigiissutit maanna inissipput
Ilaatigut Islandimiut ingerlatseqatigiiffiat isumaqatigiissuteqarfigineqarpoq
Air Greenland, Disko Line aamma Islandimiut ingerlatseqatigiiffiat Norlandair.
Naalakkersuisut sulifffeqarfiit taakku angallassinermut tunngatillugu isumaqatigiissuteqarfigaat.
Januaarimi atuutilissasut
Kiffartuussinissamut isumaqatigiissutit Inatsiartut Aningaasaqarnermut Akileraartarnermullu Ataatsimiititaliaata isumaqatiginninniarnissamut piginnaatitsissutaata iluani isumaqatiginninniutigalugit naammassineqarput.
Isumaqatigiissutit Inatsisartut Aningaasaqarnermut Akileraartarnermullu Ataatsimiititaliamut tusarniaassutigineqarput, tassanngaanniillu tapersiiffiusumik tusarniaanermut akissuteqartoqarpoq.
Angallannermut naalakkersuisup Knud Kristiansenip (A) isumaqatigiissut nutaaq nuannaarutigaa, taanna januaarip aallaqqaataani atuutilissaaq.
Naalakkersuisoq naammagisimaarinnittoq
- Inernera aningaasassarititaasut atorlugit angallannermik annertunerpaamik, angallannermi sullissinerup qaffasissumik pitsaassuseqarnissaanik aammalu bilitsit akiisa, kiffartuussinissamut isumaqatigiissutinut akiliutit, pilersuinerup isumannaassusaata qaffasissup aammalu angallasseriaatsip ataqatigiissup akornanni oqimaaqatigiissitsinissamik Naalakkersuisut kissaateqarnerannut naapertuuttoq naammagisimaartorujussuuara, taanna tusagassiuutinut nalunaarummi oqarpoq.
Kiffartuussinissamut isumaqatigiissutit januaarip aallaqqaataani atuutilertussat, 123,3 millionit koruuninik naleqarput.
Allaaserisat kiffartuussinissamut tunngasut uani atuakkit