KNAPK akit qaffasinnerit tulluussutigaat
Aalisartut piniartullu kattuffiata nuannaarutigaa puisit amiinik tunisinermi akit qaffangaatsiarnerat
- Nutaarsiassaq pitsak. Tamanna isumaqarmat piniartut pitsaanerusumik inissittut.
Taamak oqarpoq Leif Fontaine aalisartut piniartullu kattuffiani KNAPK'mi siulittaasoq. Naalakkersuisut Great Greenlandimik isumaqatigiissuteqarnerata kingorna puisinik tunisinermi akinik qaffaasut, taamaaliornikkut piniartut ameerniartillutik amermut ataatsimut 500 koruunisisalissapput siornatigut amermut ataatsimut 260 koruunisisartut.
- Ukiut 30 matuma siorna piniartut ameerniutitik taamannak pissarsissutigisarpaat, taamaattumik pinngitsoornani sunniuteqassaaq. Sila ajunngeriarpat piniarluarnissamut periarfissaqassaaq taamaattumik piniartut isertitsilluarsinnaassapput, Leif Fontaine Sermitsiaq.AG.-mut oqarpoq.
Naalakkersuisut aamma Great Greenland ameernianut annermik akiliuteqartalernissamik aalajangiussipput pissutigalugu ukiunut allanut naleqqiullugu ukioq-manna ikinnerujussuarnik ameerniartoqarsimanera.
- Piniartut immikkut iliuuseqartinniarsaraat iluatsissagunarporlu, Leif Fontaine oqarpoq.