eqiterineq
KNI Engros qullersaqarfia Nuummut nuuppoq
Ullumikkut ulloq aallarnerfigalugu KNI Engrosip aqutsisoqarfia Nuummiilissaaq, suliffeqarfiullu engrosimik niuerneq aallunnerulerniarpaa
Suliffeqarfik Namminersorlutik Oqartussanit pigineqartup, niuernermillu ingerlataqartup KNI-p, engrosimik immikkoortortaq Sisimiunit Nuummut nuunniarlugu aalajangerpoq. Nassiussuinermut pisortap Steen Jensenip marlunngornermi engrosimi pisortatut atorfik Bent Møllerimit tiguaa.
KNI-p aaqqissuussaanerata allanngortinneqarnera, engrosimik niuernermik aallutaqarnerunissamik iliuussissanut ilaasoq, KNI-p qullersaata Peter Grønvold Samuelsenip tusagassiuutinut nalunaarummi oqaatigaa.
Atuaruk: Sulisitsisut mamakujuttunut akitsuutinut taarsiivigeqqupput
Engrosimi pisortaajunnaartoq KNI-mi tuniniaanermut siunnersortitut ingerlaqqissaaq.
- Atorfik nutaaq unammillernartulik isumagilissallugu qilanaarpunga, engrosimi pisortanngortoq Steen Jensen nassuiaavoq.
Atuaruk: KNI-p sinneqartoorut 11 millionit koruuninik annertusivaa
Taassuma siuliata aamma atorfimmini nutaami pitsaaqutaasuinnarnik eqqarsarpoq.
Allaffissorneq annikinnerusoq
Assersuutigalugu taassuma sinerissami pisiniarfiit siullermik periarfissaqarfigisimanngisani tikinnerusalissavai.
- Engrosimi niueqatigisartakkat tikillugit attaveqarfiginerisa isumaginissaat piffissami sivitsortumi tamakkiisumik pisinnaasimanngilaq tassami Engroschefitut sulinermut atatillugu allaffissornermik isumagisassat annertuut peqatigisaanik isumagisariaqartarsimagakkit. Niueqatigisartakkat attaviginerisa maannamiit tamakkiisumik isumagilernissaanut piginnaasakka soqutigisakkalu aallaavigalugit maanna sulisinnaalissaanga.
Atuaruk: KNI isertitaqarnerulertariaqarpoq
Atuaruk: KNI: Taamaammat akisunerukkajuppugut