Annaasat
KNI-ip inuiaqatigiit 407,8 millioner koruuninik annaasaqartippai
Vittus Qujaukitsup KNI-mi aningaasat nalingisa aamma akit nikisinneqannginnissaat pillugit oqartussaaneq pillugu, ataasinngormat Inatsisartuni siullermeerluni saqqummiussani, isornartorsiuinini attatiinnarpaa, tamannali KNI-imit eqqortuunnginnerarneqarpoq
- Qularutissaanngitsumik KNI-mi aningaasat nalingisa aamma akit nikisinneqannginnissaat pillugit oqartussaaffiginninnerup kalaallit inuiaqatigiit taakkuninnga taaneqartunik 407,8 millioner koruuniusunik annaasaqartissimagaat – 2016-imi marsip ulluisa 31-anni naatsorsorneqartut.
Vittus Qujaukitsup Sermitsiamit KNI pillugu peqqussummik Inatsisartuni novembarip ulluisa 21-anni ataasinngornermi allannguutissatut siunnersuutip pingajussaanneerneqarnerani KNI-mik sakkortuumik isornartorsiuinini pillugu nassuiaateqaqquneqarami erseqqissaatigaa.
- Isertortumik pisussaaffik naatsorsuutini eqqaaneqartoq pineqanngilaq. KNI ukiumoortumik nalunaarusiami ingerlatseqatigiiffik qanoq ililluni annaasat pineqartut pillugit isummersimanersoq allaaserineqarpoq.
Atuaruk: Polaroil nutaamik pisiortorfeqalerpoq
Annaasarpassuit
'Nammineerluni aningaasaatit amerlassusiisa nikerarnerat piffissami sinneqartoorutinik nalilinnik ataatsimoortunik, akileraarutissat kinguaattoorutit ilanngaatigineqareermata, aningaasat atortussat tuniniaavinni nalingisa nikerarnerat ilanngullugit nuussaapput. Aningaasatigut atortussani akileraarutit ilanngaatigereerlugit tuniniaavinni nalingi 2015-imi marsip ulluisa 31-anniit 2016-kii marsip ulluisa 31-ata tungaanut 218,7 millioner koruuninik ikilisimapput. Ukiup naatsorsuusiorfiusup 2015/165-ip naanerani amigartoorutit 407,8 millioner koruuniupput.'
'Tuniniaavinni aningaasanut atortut nalingi ilorraap tungaanoortuunngitsut aamma ingerlatseqatigiiffiup patajaatsuuneranut ilorraap tungaanuunngitsoq sunniuteqarput.'
Atuaruk: Ikummatissamik pisineq akikinnerulertoq
- Aningaasanut atortut tuniniaavinni ilorraap tungaanuunngitsoq naleqarsimagaluarpata ingerlatseqatigiiffimmi patajaassuseq 54,8 procentiussagaluartut KNI-mit oqaatigineqarpoq. Patajaassusivik 35,0 procentimiittoq Vittus Qujaukitsup uparuarpaa imatullu nangilluni:
- Pineqartup pisussaaffii taamaalillutik ingerlatseqatigiiffiup nammineerluni aningaasaataanut ilanngunneqarput. Ilanngaatigineqarsimapput – tassa naatsorsuutitigut annaasaqaataasut amerlaqataannik, periarfissatut allatut ingerlatseqatigiiffimmi angusatut atorneqarsimasinnaagaluartut, Vittus Qujaukitsoq nassuiaavoq.
Atuaruk: Savaaqqat Islandimeersut Neqimi suliffissaqartitsisut
Allaaserisaq tamaat Sermitsiami saqqummertumi kingullermi atuaruk. Aviisi uani pisiariuk: