KNIp immikkoortortaqarfiisa ilaanni nutaamik pisortaqalersoq

KNI-mi Niels Chemnitz Polaroilimi Logistikchefinngorpoq septembarip aallaqqaataaniit.

- Maannamut Polaroilip Logistikcheferisaa, Jens Bonfils, Tuniniaavimmi Logistikimilu suliniutinut ataqatigiissaarisutut Projektkonsulentinngorpoq. Siunissami Jens Bonfils Niels Chemnitzimut pisariaqarfiani ikiuuttassaaq suliassallu allat suliarilerumaarlugit. Suliassaasa ilagaat orsiisarnermi ingerlatseriusissiorneq, periutsillu atorneqartussat illoqarfinni orsertarfiusuni anginerusunut ataasiakkaarlugit pilersaarusiussallugit, kiisalu uuliamik assartuutit ilanngunneqassallutik, Polaroilimit Tage Lindegaard tusagassiutinut nalunaarpoq.