Aalisarneq
KNT-mut mianersoqqussutit marluk tunniunneqartut
Niaqornani suliffeqarfik KNT sapaatip-akunneri pingasut qaangiuppata, aqutsisut naatsorsuutit saqqummiutinngippatigit pinngitsaalillugu atorunnaarsinneqarsinnaavoq
Avannaani tunisassiorfik KNT, Siumumeersunit Mikael Petersenimit aamma Karl-Kristian Krusemit pilersinneqarsimasoq, aammalu annertuumik isornartorsiorneqarsimasoq pinngitsaalillugu atorunnaarsinneqaratarsinnaavoq.
Niaqornani suliffeqarfiup aqutsisuisa decemberip 14-iat sioqqullugu ukiumoortumik naatsorsuutit Erhvervstyrelsimut nassiussinngippata, tamanna pissaaq.
Radioavisip tamanna oqaluttuaraa.
KNR-mi atuaruk: KNT'p atorunnaarsinneqarnissaa kinguartinneqarpoq
KNT siullermeerluni pisortanit mianersoqqussumik tunineqanngilaq.
Pillaatitut akiligassinneqartut
Aqutsisut siullermik oktoberip 21-ani ukiumoortumik naatsorsuut tunniutinngitsoorpaat, taassuma kingorna Erhvervstryrelsip tunniussiffissaq sivitsorpaa.
Tamannalu KNT-p naammassinngilaa, taamaammallu aqutsisut tamarmik pillaatitut 3.000 koruuninik akiligassinneqarput.
Naatsorsuutinik tunniunnissaannut piffissarititaasoq decemberip 14-anut killeqarpoq. Tunninneqanngippat, KNT pinngitsaaliissummik atorunnaartinneqassaaq.
Suliffeqarfik aningaasaqarnerluttoq
KNT 2015-imi avaleraasartoorniarluni iluatsitsinngilaq - kilisaatinik nunanit allaneersunit aalisartulerlutik.
Suliffeqarfik aningaasarliornikooqaaq aammalu annertuumik taarsigassaqarluni. Suliffeqarfik akileraarutinik 1,2 millionit koruuninit akiligassaqartoq, februaarimi 2015-mi saqqummerpoq.
SIK aamma suliamik tunisassiorfeeqqamut tassunga ingerlatsinikuuvoq, kattuffik isumaqarami KNT sulisuminut arlalinnut aningaasarsianik akiligassaqartoq.
Aamma atuaruk: IA-p Siumumi pisortap marloqiusamik atorfeqarnera taamaateqquaat
Atuaruk: KNT-mik suliaq: Kielsenip nerrivik patippaa