Kujataani kuultisiorniarnersuaq
Canadamiut Islandimiullu ingerlatseqatigiiffiat AEX Gold Nalunami kuultisiorfiup ammaqqinneqarnissaa pillugu annertuunik pilersaaruteqarpoq.
Kuultisiorfik Nalunaq ammaqqikkaluttuarpoq.
Aviisi AG taama allaaserisaqarpoq.
Kuultisiorfik 2013-imi matuvoq ingerlatseqatigiiffik tunuliaqutaasoq sivisujaamik aningaasarlioreerluni allaffissornikkut nakkutigisarineqalermat. Kuultip akiata appariartornera aningaasaatillu annikippallaalersimaneri aningaasarliornermut pissutaapput.
Canadamiulli Islandimiullu ingerlatseqatigiiffiat AEX Gold, aatsitassarsiorfiup ammaqqinnissaanut maanna pilersaaruteqarpoq.
- Kuulteqarfik annertunngilaq. Kisianni kuulti akugissaartoq pineqarpoq. Nunarsuarmi kuultisiorfinnut allanut sanilliullugu kuultisiorfik annikitsunnguussaaq. Kisianni kuulti akugissaarmat kuultisiorfik akilersinnaalluartunngornissamut ilimanaateqarluarpoq, AEX Goldimi pisortaaneq, Eldur Olafsson, AG-mut oqarpoq.
AEX Gold aappaagu misiliummik aatsitassarsiulernissamik neriuuteqarpoq.
Kuultisiorfik pillugu pilersaarutit aviisimi AG-mi paasisaqarfiginerusinnaavatit, taamatullu AEX Goldip kujataani sumiiffinni allani kuultisiorsinnaanermik neriuuteqarnera paasisaqarfigalugu. Aviisi uani ataani pissarsiarisinnaavat: