Tele-Post
Mobildatamik suli ajornartorsiortoqartoq
Sinernermut aamma SMS-ernermut teknikkikut ajornartorsiutit Tele-Postip iluarsiivigai, kisianni mobildatamik suli ajornartorsiortoqarpoq
Tele-Postip atuisui teknikkikkut ajutoornermut tunngatillugu naammagittartariaqarput.
Atuaruk: Sianerfigineqarnernik SMS-inillu tigusaqarniarnermi ajornartorsiuteqarneq
Tele-Postimi atuisut sapaatiummalli teknikkikkut ajutoornernik eqqugaaqqalerput. Siullermik mobildatamut attaveqaat qamippoq, tamatumalu mobilikkut internetimut isersinnaajunnaarneq kinguneraa. Kingornalu SMS-erniarneq sianerniarnerlu ajornartorsiutaalerput.
Naak suli iluarsisassaqaraluartoq siuariartortoqarpoq.
- Sianertunik SMS-inillu nassiussisunik ajornartorsiuteqarnerup qaangerneqarnera nuannaarutigalugu nalunaarutigisinnaavarput. Mobildatamut tunngatillugu oqaatigisinnaavarput 4G atorsinnaammat, kisiannili 2G-mik aamma 3G-mik atuiniarneq ajornartorsiuteqarluni, attaveqatigiinnermut pisortaq Arnakkuluk Jo Kleist ilisimatitsivoq.