Naalakkersuisoqatigiinnermut isumaqatigiissummi naak IA-p ilanngussaa?

IA politikkikkut apeqqutini pingaarutilinni arlalissuarni Siumumit allaanerulluinnartumik isummertarpoq – soorlu uranimut tunngasuni, angallannermut sullissinissamut isumaqatigiissummi, Qaasuitsup avinneqarniarnerani, nungusaataanngitsumik aalisarnissamut il.il, sooq taava Siumumik suleqateqalerpa?

Apeqqut tamanna Juaaka Lybrthip Sermitsiaq.AG-mi blogimini qaqippaa.

Atuaruk: Uran – naalakkersuisooqatigiinni qaaratarsinnaasoq

Kuannersuarni piiaaffimmut suliniummut akerleriissutaasumut tunngatillugu partiip naalakkersuisoqatigiinnut Siumumit siuttuuffigineqartumut ilanngunnermini paarlaannermik kinguneqannginnera, ingammik taassuma maluginiarpaa.

Atuaruk: Tusagassiorfik: IA-p GME unitsinniarlugu tamaviaarniarpoq

Sooq qinersinerunngitsoq?
- Naalakkersuisooqatigiisimasulluunniit isasuulermata nutaanik naalakkersuisoqalernissap ammasumik oqallisigineqarnissaa, qinersisoqarsinnaaneraluunniit IA-p piumasarisimanngikkai paasiuminaappoq, Juaaka Lyberth oqarpoq, tamatuma saniatigut Inuit Ataqatigiit imaluunniit Partii Naleraq urani pillugu taasititsinissamik kissaateqarnertik malunnaateqartissimanngikkaat tupigusuutigaa.

Tatiginassuseqanngitsut
- Aatsaat nutaanik qinnuteqartoqassappat uranitallit qummut killilerneqarsinnaanerat isumaqatigiissutaasimavoq. Taamaattumik IA aamma Partii Naleraq uppernassutsimikkut ajornartorsiuteqarput, Juaaka Lyberth oqarpoq.

Allaatiginnilluni ilanngussaq tamaat uani takuuk.