True North Gems
Norskit annertuumik piginneqataasut akiliisinnaajunnaarneq ugguaraat
LNS-ip rubinisiornissamut suliniut upperaa
Norgemiut sanaartortitsinermut ingerlatseqatigiiffiat Leonhard Nilsen & Sønner (LNS), True North Gems Greenlandimi annertuumik piginneqataasoq isumalluarpoq, naak aatsitassarsiornermik ingerlatseqatigiiffik ataasinngornermi akiliisinnaajunnaarluni nalunaaraluartoq.
Atuaruk: Akiliisinnaajunnaarnerup kingorna: Nutaanik aningaasaliisussanik pissarsiniarsarisut
LNS-ip rubinisiorfimmut suliniummi aktiat 27 procentii pigigaluarpaat, True North Gems Canadallu namminersorlutik oqartussallu aningaasaliinissamut piginneqatigiiffiata 66 procentii pigalugit.
Periarfissat misissoraat
- LNS-ip maanna True North Gems Greenlandip aaqqissuuteqqinneqarsinnaanera periarfissaanersoq misissornialerpaa, aningaasaleeqataassutit pisariaqartinneqartut pissarsiaralugit, taamaalilluni rubinisiorfiup sukkasuumik aallartinneqarnissaa qulakkeerniarlugu, LNS-imi pisortaaneq Frode Nilsen oqarpoq.
- Rubinisiorfimmik suliniummut annertuumik tatiginnippugut, aallartinnissaanullu sapinngisatsinnik iliuuseqassaagut. Aningaaseriviit, aningaasaliisut aamma kalaallit piginneqataasut Greenland Venture peqatigalugit rubinisiorfimmik suliniut annaassinnaallugu upperaarput, piffissallu sivikitsup ingerlanerani ingerlatsilersinnaalluta, taanna oqarpoq.
Atuaruk: Piginneqataasup rubinisiorfik suli upperaa