aatsitassat
North American Nickel aallartilerpoq
Candamiut ingerlatseqatigiiffiutaat North American Nickel sapaatit akunnerani uani Maniitsup eqqaani nikkelimik ujaasilluni aallartissaaq.
– Ukioq ́manna suliffeqarfimmi malmimik 14.000 meterimik qillerinissarput naatsorsuutigaarput. Maannakkut pilersaarutini taanna ukiut pingajussaat ingerlavoq. Manna tikillugu sumiiffiit aatsitassartallit arlallit naassaarisimavavut ukioq ́mannalu sumiiffiit misissuiffigineqartut sorliit pingaaruteqarnersaanersut misissussavarput, Mark Fedicow, (North American Nickelimi siulersuisuni siulittaasoq, Torontomi qitiusumik allaffeqarfeqartoq), oqarpoq.
Erngup nukinganik nukissiuuteqarfik nalilersorneqartoq
Taanna sumiiffimmi erngup nukinganik nukissiuuteqarnissamut ilippanaatit aamma nalilersorneqarumaartut ilasilluni oqarpoq.
North American Nickel Nuup avannaa ́ tungaani Maniitsup Napasullu kangiani 125 kilometerisut ungasitsigisumi ujaasinissamik akuersissutaateqarpoq.
Ukioq naallugu umiarsualivik
Sumiiffimmi erngup nukinganik nukissiornissamut ilippanaatilerujussuusoq aamma kangerlummi Seqip eqqani ukioq naallugu umiarsualiviusinnaasumut aqqutissaqartoq ingerlatseqatigiiffimmi nalilerneqarpoq, Seqi qanga olivinimik suliniuteqartoqarmat pilersinneqarpoq.
Suliniut pillugu allaaserisaq Sermitsiaq aviisimi kingullermi saqqummertumi tamaat atuaruk: