Nukissiorfiit suliniutinik nutaanik aallartitsisut

Nukissiorfiit Uummannami innuttaasut inussutissarsiortullu mingoqanngitsumik imissaqannginnerat ikiorsiiffiginiarlugu arfinilinnik immikkoortortalimmik pilersaarusiorsimapput.

Pilersaarutit ilaat allanut sanilliullugit imaqarnerupput:

Uummannami imermik misissuiffimmik pilersitsisoqassaaq, imermut tunngasumik immikkut ilisimasalinnik sulisoqartussamik. Taamaalilluni misissukkat qanoq inerneqarnersut sukkanerusumik paasineqarsinnaalissapput, ullummi pingasut assartuinermut atorneqartartillugit paasissutissat kingusinnerusukkut pineqartarmata.

Immamik tarajuiaanermik, osmoseanlægimik taaneqartartumik, aallartitsisoqassaaq. Nukissiorfiit, aalisakkeriviit inuussutissarsiortullu ikiorserniarlugit tarajuiaavimmik pilersitsininermikkut suliaminnik annertusaapput.

Ulluinnarni inuuniarneq innuttaasunut ajornaannerulersinneqassaaq. Suliamut atatillugu oqartussat suliaqartullu suleqatigalugit innuttaasut ajornannginnerusumik ulluinnarni inuuneqarnissaat anguniarlugu assiginngitsunik suliniuteqartoqarpoq.

Nunap immikkoortuini sulisut allat sammisamut tunngatillugu misilittagallit Nukissiorfinnit Uummanamukartinneqassapput.

Innuttaasunik ataatsimiitsitseqqinnissaq nutaaq. Nukissiorfiit oqaloqatigiinnermik annertusaaniarlutik, apeqqutinut akissuteqarniarlutik aamma suliniuteqarnermi angusanik innuttaasut inuussutissarsiortullu ilisimatinniarlugit sisimanngorpat oktobarip pingajuani ualikkut arfineq-marlut qeqqanut innuttaasut ataatsimiitsitseqqussapput.

Suliniutissat arfernat kingullersaallu tupaallatsitsivoq, imermummi tunngatillugu kanngunartuliap atuunnera tamakkerlugu atuuttussaasorinaraluarmat. Suliffeqarfiup pilersuisartup, ippassaq pisortaanerminik annaasaqartup, iliuuseqarsinnaanermik takutitsinissani pisariaqartissimannguatsiarpaa:

Nukissiorfiit suliniutitik nutaat Pinngortitamut Avatangiisinullu Naalakkersuisoqarfik peqqinnissatigullu oqartussat peqatigalugit ataqatigiissaarlugillu nalilersortarpaat.

Innuttaasut ajornannginnerusumik ulluinnaqartinneqarniarnertik qularutissaanngitsumik tikilluaqqussavaat. Suliniutilli suut ingerlanneqarniarnersut tusagassiorfinnut nalunaaruteqarnermi paasissutissiissutigineqanngillat.