takornariaqarneq
Nunarput nerisassat pillugit takornariaqarnermi siunissaqarluartoq
Kalaallit Nunaat nunani avannarlerni mamarsaakkanik nerisassiornerup iluani pingaarutilimmik inissisimaleriartortoq, Jyllands-Posten allappoq
Annonse
Kalaallit Nunaat nerisassat pillugit takornariaqarnermi ornigassaqqissutut siunissami qanittumi inissisimaleratarsinnaavoq. Taama nerisassanik angalanernillu allaaserisaqartartoq nersugaasoq Debbie Pappyn Jyllands-Posten naapertorlugu allappoq.
- Tassami silap pissusaanik immikkut ilisimasallit nalornisuuleruttortut Kalaallit Nunaanni mamarsaakkanik pingaartitsisut nuannaarput. Kiannerulerneratami kinguneranik naatitsinissamut periarfissat pitsanngoriarujussuarsimapput. Tamatumalu kinguneranik Kalaallit Nunaat nunani avannarlerni mamarsaakkanik nerisassiortarnerup iluani pingaarutilimmik ornigassaqqissutullu inissisimaleriartorpoq, allaaserisaqartartoq isumaqarpoq.