Nuummi atuarfissaq ingerlatseqatigiiffiit marluk neqeroorusiorfigissavaat
Nuup qeqqani atuarfissamut suliniut inegerlariaqqippoq.
Illoqarfiit pingaarnersaata kommuniata sanaartornermut ingerlatseqatigiiffiara – Nuuk City Development A/S (NCD) – ingerlatseqatigiiffiit marluk piukkunnartut toqqaqqammerpai: ataaseq danskit ingerlatseqatigiiffiat ataaserlu islandimiunit.
NCD ilisimatitsivoq, aappaa tassaasoq suliffeqarfik sanaartugassanik suliarinnittartoq MT Højgaard, inissiaatinik allaffissornermik ingerlatsisoq DEAS peqatigalugu. Aappaalu islandimiut suliffeqarfissuat sanaartugassanik suliarinnittartoq Istak, siornatigut Kalaallit Nunaanni sanaartortareersoq.
Qinnuteqartut marluk
- Piukkunnartussarsiuussinermut soqutiginninneq annertuvoq, kisianni marluinnaat qinnuteqarput. Tamannalu naammagisimaarluinnarparput, pisortaq Jens B. Frederiksen Sermitsiaq.AG-mut ilisimatitsivoq.
Suliniutip akia taassuma oqaatigerusunngilaa, kisianni akia tamakkiisoq isiginiarneqassasoq ilisimatitsissutigaa, tassami suliassaq aamma ukiuni 30-ni illut ingerlanneqarnissaannut tunngammat. Suliassaq OPS-imi atugassarititaasut tunngavigalugit neqeroortitsivigineqarpoq, aammalu tassani ilaatinneqarput Nuup qeqqani sumiiffiup ilaani 1C32-imi ulluunerani paaqqinnittarfimmik akuleriisitsiviusussamik sananissaq.
- Taamaattumik sanaartornermi aki kisiat isiginianngilarput, suliniutip ukiuni 30-ni ingerlanneqarnissaa taamaat isiginiarniaratsigu, pisortaq nassuiaavoq.
Suliariumannittussarsiuussinermut ulloq
Kikkut atuarfiup nutaap sanaartornissaanut ajugaasuunersut juunip 14-anni saqqummiunneqassaaq, taanna kommunip allaffeqarfiata akiani Hotel Hans Egedep eqqaani inissisimassaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...