uuliap akia
Polaroil inuiaqatigiinnut millionerpassuarnik sipaaruteqartitsisoq
Niuerfimmi allanngorartumi pilersuinerup isumannaatsuunissaa akillu aalaakkaasut uuliamik pilersuinermik ingerlatseqatigiiffiup pisiniartarnermut politikkiani pingaaruteqarluinnarput
Kalaallit Nunaanni uuliamik pilersuinermik ingerlatseqatigiiffiup Polaroilip orsussamut akit liiterimut 27 ørenik januaarip 5-ani appartippai, taamaalillunilu benziina 5,78 koruuninik, diesel 5,93 koruuninik petruuliulu 6,04 koruunik akeqalerlutik.
Appaaneq Kalaallit Nunaanni nunap aningaasaqarnikkut ingerlatsinerup 2016-imi ikummatissamut aningaasartuutissamini 34 millioner koruuningajannik sipaarsinnaalerneranik isumaqarpoq.
Tamanna nutaarsiassaava pitsaasoq ajortorluunniit?
Polaroilip nukissiuutinut pisortaa Tage Lindegaard akinik appaanermik nuannaarutiginnipoq.
– Polaroilip ikummatissap akii 2014-imi ukiaaneraniit maannamut liiterimut katillugit 72 ørenik appartissimalerpai, Tage Lindegaard oqarpoq.
Aningaasaqarnermulli naalakkersuisuugallartoq Vittus Qujaukitsoq nuannaarpallaanngilaq.
– Polaroilip akinik appaanissamik taama annikitsigisumik ilimasaaruteqarnera tupaallaatigalugulu pakatsissutigaara, Vittus Qujaukitsoq ukiup aallartinnerani oqarpoq.
Naalakkersuisorlu akinik iluarsiissuteqarnissaq ilimasaarutigineqartoq tunuartinneqaqqullugu piumasaqarpoq, aalajangiineq politikkikkut isummer gineqarsinnaaniassammat.
Atuaruk: Uuliap akiisa allanngortinneqarneri Vittup tunuaqquai
Tusaatissaq
Vittus Qujaukitsorli aqaguani Inuussutissarsiornermut Suliffeqarnermut Niuernermullu Naalakkersuisumit Randi Vestergaard Evaldsenimit akerlilerneqareerpoq.
– Naalakkersuisut Polaroilip akinik appaanera tusaatissatut tiguaat, Randi Vestergaard Evaldsen oqarpoq.
Atuaruk: Ikummatissamik pisineq akikinnerulerpoq
Sermitsiami saqqummeqqammertumi allaaserisaq tamaat atuaruk, taanna uani pisiarisinnaavat: