Politikeri allamik suliaqalissaaq
IA tunuliaqutaralugu politikeri, Malene Lynge, piffissami sivitsortumi kommunemi politikeritut atuuffimminit sulinngiffeqartoq, politikkimik suliaqarnermut utissanani aalajangerpoq, Kalaallit Airportsimili attaveqatigiinnermik akisussaasutut sulilissalluni.
Malene Lynge kommunemi politikkimik suliaqarnerminit augustimi 2018-imiit sulinngeqqarnissani qinnutigisimavaa. Nuummut maanna utertussanngorpoq, politikkimilli suliaqarnermut utilinngilaq. Kalaallit Airportsimi attaveqatigiinnermik akisussaasutut sulilissaaq.
Kommuneqarfik Sermersuumi kommunalbestyrelsemit februarip 25-ani 2020-mi anivoq. Taamatullu Inuit Ataqatigiit siulersuisuunerinit ilaasortaajunnaarluni.
Malene Lynge, ukiuni arlalinngortuni politikkimik suliaqarsimasoq, Danmarkimi ukiuni marlungajanni najugaqareerluni Nuummut utertussanngorpoq.
Danmarkimiinnermini suliffeqarfiit attaveqaqatigeeriaasaat pillugu ilinniaqqissimavoq, angusarissaarlunilu ilinniakkaminik naammassinneqqammerluni.
Ukiuni arlalinngortuni Atuisoq-mi sulisimavoq, martsilli 31-ani naggammik sulilluni.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...