Qaleralinniarneq saarullinniarnerlu sivitsorneqartut
Akuersissut atugassaq pigigukku januaarip 2013-imi januaarip 31at tikillugu saarullinnik qaleralinnillu aalisarsinnaavutit
Qaleralinnik saarullinnillu aalisarnissamut akuersissutaatilinnut nuannersumik nutaarsiassaqarpoq.
Aalisarnermut, Piniarnermut Nunalerinermullu Naalakkersuisoqarfiup maanna 2013-imi sinerissap qanittuani qaleralinniarsinnaanermut saarullinniarsinnaanermullu akuersissutissat sinerissamut nassiussorpaat.
2013-imi januar-ip aallaqqaataaniit tunisisinnaanerup ingerlaannarnissaa qulakkeerniarlugu sinerissap qanittuani qaleralinniarnermut aamma saarullinniarnermut akuersissutit 2013-imi 31. januarip tungaanut atuuttuunissaannik sivitsuinissaq naalakkersuisoqarfiup aalajangiuppaa.
Tamanna ima paasineqassalluni sinerissap qanittuani qaleralinniarnermut aamma saarullinniarnermut 2012-imi akuersissutinik peqartut, akuersissutit taakku pigisatik tunisinerminni suli 2013-imi januarip naanissaata tungaanut atorsinnaagaat.