Qaleralinniat nalunaarfigineqassapput
Qaleralinniat ukiumut pisassaat tusarliunneqangajalerpoq
Martsip qaammatip naannginnerani aalisartut Upernaviup, Uummannap aamma Qeqertarsuup tunuanniittut, ukiumut pisassiissutinit pigisassaminnit nalunaarfigineqassapput.
Pisassiissutinit pigisat
Pisassiissutinit pigisat tassaapput TAC (Pisassat Tamakkerlugit Pisarineqarsinnaasut) tamakkiisumik aguaqqinnerini procentinngorlugu angallatinut 6 meter sinnerlugit angissusilinnut tunniunneqartussat. Agguaasseqqiinermi procentinngorlugu tunniunneqarsimasut tassaapput pisassiisutinit pigisat, ukiumiillu ukiumut allanngortinneqarsinnaanngitsut. Pisassiissutinit pigisat malillugit aalisartoq ataaseq qanoq pisaqartigisinnaanersoq naatsorsorneqartarpoq. Ukiumut pisassat annertussusiisa oqaatigaat, aalisartut ataasiakkaat annerpaamik qanoq annertutigisumik pisaqarsinnaanerat.
Pisassiissutinik pigisat tunniunneqarallartut
Pisassiissutinik pigisat maannakkut aalisartut pissarsiarisimasaatutaqqiisaagallartumik atuupput. Tamatumunnga pissuteqarpoq, naammagittaalliutinik tigusaqarsinnaanerup tamatumalu kingornatigut tuniunneqarsimasut allanngortinneqarsinnaaneranik periarfissaqartoqarmat. Pisassiissutinik pigisat tunniunneqarsimasut, piginnittumiit naammagittaalliutigineqarsinnaapput. Naammagittaalliutit Aalisarnermut Piniarnermut Nunalerinermullu Naalakkersuisoqarfimmut kingusinnerpaamik 1. maj 2012 nassiunneqassapput. Naammagittaalliutigineqarsimasut majip aamma junip ingerlanerani suliarineqassapput, taamaattumillu pisassiissutinik pigisat inaarutaasumik 1. juli 2012 aaliangiunneqassallutik. Tamatuma kinguninngua aalisartut inaarutaasumik pisassiissutinik pigisat pilugit nalunaarfigineqassallutik.