Nuuk
Qinngorpumi pisiniarfik nutaaq ammalerpoq
Brugseni pisiniarfimmik nutaaqqinnaamik Qinngorpumi tallimanngorpat ammaalerpoq
Nuummi atuisut tallimanngorpami nutaamik pisiniarfissamik periarfissaqalissapput, tassami Brugseni Qinngorpumi pisiniarfimmik nutaamik ammaalerpoq.
Pisiniarfik nalunaaqutaq 09.00 ammarneqassaaq, tassani borgmesteri Asii Chemnitz Narup qilertimik qiorsissaaq, pisiniarfillu ammarlugu.
Assit takukkit: Brugseni pisiniarfimmik nutaamik Qinngorpumi ammaalerpoq
Pisiniarfik 670 kvadratmeterit missaannik angissuseqarpoq.
Toqqagassat amerlasuut
Qinngorpumi Brugsenimi amerlasuunik nerisassanik nioqquteqarnissaq pingaartinneqarpoq, ilaatigut naatitat timmisartukkut tikisitat kiisalu Nuummi Brugsenimi neqaarniartumit neqit pisiarineqarsinnaassapput.
Tamatuma saniatigut ullut tamaasa iffiukkat kaagillu qalarlaat pisiniarfimmukaanneqartassapput, pisiniarfiuteqarfik ilisimatitsivoq.