RAL-ip umiarsuaataa amutsivimmut qaqinneqalersoq
Atlantikukkoortaat Tukuma Arctica amutsivimmut qaqinneqassaaq, tamannalu Royal Arctic Linep angalanissanut tamanut pilersaarutaanut sunniuteqassalluni.
Annonse
Containerinik assartuisartoq Tukuma Arctica 179 meterisut takitigisoq, ukiup ataasingajaap matuma siorna siullerpaamik Danmarkimiit Kalaallit Nunaannukaqqaarsimasoq amutsivimmut qaqinneqartussanngorpoq.
Umiarsuaq containerinik 20 fodsitut angitigisunik 2.150-inik usisinnaasoq apriilip qaammataani aatsaat angalaqqissinnaalissasoq, umiarsuaatileqatigiiffik nittartakkamigut ilisimatitsivoq.
Umiarsuit taartaasussat
Royal Arctic Linep Tukuma Arcticamut taarsiullugit Mary Arctica aamma Malik Arctica atlantikukkut assartuisittassavai.
Umiarsuaatileqatigiiffiup 2021-imi angallavinnut tamanut pilersaarutini nutartersimagaa ilisimatitsissutigineqarpoq.