Royal Greenland: - Aalisarluartut taarsigassarsitinneqarsinnaapput

Nunatta sineriaani aalisartut aningaaserivinnut atorniarlutik iluatsisisimanngitsut Royal Greenlandimut taarsigassarsiniarsinnapput. Namminersorlutik Oqartussat suliffeqarfiutaat nittartakkamini allappoq.

Men det er ikke uden krav, for de fiskere der sender en ansøgning.

Sipaangaqassasut

- Imaanngilarli aalisartut qinnuteqaataat tamatigut akuerineqartartut, Royal Greenlandimi aalisarnermut siunnersorti Jan Kleinschmidt oqarpoq.

Taanna paasissutissiivoq, Royal Greenlandi pisortanut unammilleqqusaanngimmat aalisartut Royal Greenlandimut taarsigassarsiaqarnissaminnut qinnuteqannginnerminni pinngitsooratik aningaaserivimmut tassa bankimut qinnuteqaqqaartassasut.

Itigartitaanerup kingorna taarsigassarsisoqarsinnaasoq

- Aningaaserivimmiilli aatsaat itigartitaasimappata Royal Greenland aalisartunut aalisarluartunut taarsigassarsiaqartitsisinnaavoq, Namminersorlutik Oqartussat suliffeqarfiutaat nalunaaruteqarpoq.

Taarsigassarsitinneqaraangallu aalisartoq tunisinerit tamaasa pisami minnerpaamik 20 procentiinik naafferartumik akilersuisassasoq piumasaqaataasarpoq. Tamatuma saniatigut silarlunnera pissutigalugu aalisariarsinnaanngikkaangami naafferartumik akilersuinermik unitsitsigallarnissaminut periarfissaqarpoq, soorluttaaq napparsimalersimanini pissutigalugu naafferartumik akilersuinngikkallarsinnaatitaasoq.

Umiatsiamik atortoqarsinnaasoq

Royal Greenlandilli aalisartunut taarsigassarsititsisarnera assigiinngissinnaasarpoq, Royal Greenland paasissutissiivoq.

Taamatuttaaq avaannaani aalisartut 21-t umiatsiaarartaami akiata procentii tallimaannaat ileqqaagaralugit umiatsiaarartaarnissaminnut Royal Greenlandimit taarsigassarsitinneqarput.

Nalinginnaasumik taarsigassarsiniarnermiit matumani atukkiinerup allaaqutaa tassaavoq; Royal Greenlandi avannaani aalisartut aalisarluartuusut umiatsiaaqqanik assigiinnik pisinissaannut taarsigassarsiaqartitsinissaminut 2016-imi 2017-imilu neqerooruteqarmat.