mine
Rubinisiorfik tunisassiulernissaminut piareerpoq
Aappaluttup eqqaani saffiugassaq siulleq qaarsumit qaartinneqareerpoq, korundimillu immikkoortiterisussaq nalerisarneqareerluni. Uumap allaaserisap tunniunneqarfissaani Nuummi immikkoortiterinerup ingerlalernissaa amigaataavoq.
Tunisassiornermi assinik takusaqaqqusaanngilagut imaluunniit ujaqqat nalituut qanoq Nuummut ingerlanneqartarsut tusarlugu. Aamma iserluta immikkoortiterivik takusinnaanngilluinnarparput. Isumannaallisaanermik peqquteqarpoq, LNS-imit aqutsisut oqarput.
Ilumuuikkunarporli. Aappaluttumiit rubininik tunisassiorneq aallartereersimanngikkuni una allaaserisaq saqqummerpat ullut sapaatilluunniit akunnerisa iluanni aallartissimassaaq.
Rubinisiorfiullu aallartinnissaanik maannamut siulittuinerit tamarmik nuanniitsumik pinngitsoortaraluartut maanna atortulersuutit tigussaasut inississimalerput. Piiaanissaq aningaasalerneqarpoq, qaarsumit siullermik qaartitsisoqareersimalerpoq, sumiiffimmilu immikkoortiterivissaq pissusissamisut ingerlalluni.
Atuaruk: Maannakkut sulisut tamarmik suliffeqarfimmi piginnittuulersut ataanni suliinnassapput
Maanna Nuummi sulinissaq sulinissamut atorfinitsinneqartussat kingulliit ujaarinerani nalerisarneqarpoq, inuit isaasa assaasalu rubinit safirillu aappalungusersut immikkoortitissallugit.
Atuaruk: Aappaluttumi rubinisiorfik annaanneqarpoq: Ulloq nuannaarfiusoq
Ujaqqat ilaat ima angitigalutillu pitsaatigissapput ataasiakkaarlugit silineqarlutillu tunineqarsinnaallutik. Amerlanerilli silineqaratik avammut nassiunneqartassapput, Asiami suliffissuarmi silineqareerlutik nalunaaqqutaaqqanut pinnersaasiarineqarlutik imaluunniit pinnersaammi amerlallutik ulloriaaqqatut qillalasuinnanngortinneqarlutik.
Tunisassiorneq aallartilerparput. Aatsitassarsiorneq aallartipparput tunisassiorfimmi aallartilluta. Piffissallu sivikitsup ingerlanerani Nuummi tunisassiorneq aallartinneqassaaq, siulersuisuni siulittaasoq Gunnar Moe AG-mut oqarpoq.
AG-mi atuaqqigit: