Atortussiassat
Rubinsiorfik iluanaarutaanerussasoq
True North Gems Greenlandip akilersinnaassutsimik misissuinerani nutaami Qeqertarsuatsiaani rubinisiorfiup akitsuutinik qaffasinnerujussuarmik maannamut ilimagisamit tunniussaqarnissaata ilimanaateqarnera takutinneqarpoq
90 millioninit 930 millioner koruuninut quleriaatinngortitsineq. Aningaasat taama amerlatigisut True North Gems Greenlandip Namminersorlutik Oqartussanut royaltymik akitsuutitigut akilissallugit nalilerpaa.
Naatsorsugaq nutaaq Qeqertarsuatsiaat eqqaanni rubinisiorfiup ukioq manna kingusinnerusukkut piareerluni tunisassiulernissaanut atatillugu aatsitassarsioqatigiiffiup akilersinnaassutsimik misissueqqissaarneraneersuuvoq. Sanaartorneq LNS Greenlandimit ingerlanneqartoq maanna ingerlallualeruttorpoq. Suliniut suliffissanik nutaanik 80-inik pilersitsiviussaq.
Aatsitassarsiorfiup atuunnerani ujaqqat 20 aamma 22 millionit akornanniittut silineqartarnissaat naatsorsuutigineqarpoq.
True Noth Gems missingiivoq, aatsitassarsiorfik ukiuni qulini ilimagineqartutut atuunnermini katillugit 3,1 milliarder koruuninik kaaviiaartitsissasoq.
Rubinisiorfik pillugu Sermitsiami sapaatip-akunnerani matumani saqqummersumi uanilu pisiarisinnaasanni annertunerusumik atuarsinnaavutit.