aalisakkat naleqarnerulertut
Saarulliit akitsoriartupallattut
Saarulliit, qalerallit aamma raajat niuernermi akii qaffakkiartortut Nunatta Naatsorsueqqissaartarfianit kisitsisit kingulliit takutippaat
Naatsorsueqqissaartarfik ullumi raajat, qalerallit aamma saarulliit akiinut naleqqersuutit kvartalip aappaanut 2010 aallarnerfigalugu 2015-imut saqqummiuppai.
Tamassuma akit qaffakkiartuinnarnerat takussutissaqartippaa, ingammik saarullinnik aalisarnerup siullermik annertusimasup annertusiartoqqissinnaanera nutaarsiassatsialaavoq.
Tamarmik qaffakkiartortut
Ukioq manna kvartali siullermiit kvartalip aappaanut raajat akii 3,1 procentimik qaffariarsimapput, qalerallit akii 1,7 procentimik aamma saarulliit 9,4 procentimik.
Ukiuni tallimani kingumut qiviaraanni - ataani titartagartaliussami takuneqarsinnaasumi - saarulliit akiinik annerulaartumik qaffariartoqarpoq.
Atuaruk: Saarulliit amerliartoqqittut
Akinut naleqqersuinermi nunani allani niuernerni agguaqatigiisillugu akigititat atorneqarnerupput, tunisassiortunillu annerpaanit kisitsisinik ilallugit. Tassa imaappoq, akinut naleqqersuutit nioqqutissat Kalaallit Nunaat qimakkaangassat atuupput.
Sermitsiaq.AG-p saarulliit pillugit allaaserisai uani tamaasa atuakkit
Ataani titartagartaliussami akit qaffakkiartornerat paasissutissaqarnerusoq takusinnaavat