Tunup avannaa
Sermersooq aatsitassarsiornermi suliniummik qularutiginnittoq
Kommuneqar k Sermersuumi Aningaasaqarnermut Ataatsimiititaliaq Citronen Fjordimi aatsitassarsiulernissamik suliniummut atatillugu avatangiisinik ernummatiginninnermik maanna ersersitsivoq, soqutigisaqartullu arlallit naliliillutik, suliniut iluatsissinnaassaguni annertuumik isertitaqar usariaqassasoq
Kommuneqarfik Sermersuumi decembarip naalernerani Aningaasaqarnermut Ataatsimiititaliami ataatimiinneq Ironbarkip Tunup Avannaarsuani Nunami Eqqissisimatitami aatsitassarsiorfiliornissa mik suliniutaanut atatillugu pisortatigoortumik oqaaseqaammik maanna kinguneqarpoq.
Unammilligassat annertuut
- Kommuneqarfikk Sermersooq aatsitassap akuiagassap umiarsuarnik assartorneqarnissaanut atatillugu unammilligassanik annertuunik, tassunga ilanngullugu 'Avannaata Kangiata imartaani sikuusanngitsoq' asseqanngitsoq, uumasut eqqissisimaarfigisaat, aqqusaarlugu umiarsuit ingerlaartarnissaannik, maluginiagaqarpoq, ataatsimiititaliaq allappoq nangillunilu:
- Sumiiffik tamatuma saniatigut ima tikikkuminaatsigaaq, ukiunik umiarsuaqarfiunngitsunik takkuttoqartarnissaa mattunneqarsinnaanani. Kommuneqarfik Sermersooq kaammattuivoq ajornartorsiut tamanna suliniut aallartinneqartinnagu qulaajaavigineqassasoq, kiisalu suleriaasissamik aalajangersaasoqassasoq, immikkut ilisimasallit pisuni tamani Citronen Fjordimut tassanngalu umiarsuaqartarnissaanik pilersitsinissap illersorneqarnissaanik naliliisarnissaanik qulakkeerinnittumik.
Atuaruk: Ironbark sakkortuumik isornartorsiorneqartoq
Pinngortitamik ataqqinninneq
Oqaaseqaat suliniummut atatillugu pisortatigoortumik tusarniaanermut maannakkorpiaq ingerlanneqartumut atatillugu saqqummiunneqarpoq, Aningaasaqarnermullu Ataatsimiititaliap siulittaasuata, borgmester Asii Chemnitz Narupip (IA) isornartorsiuineq ima itisilerpaa:
– Nunatsinni ineriartornerup pinngortitamik ataqqinnilluni pinissaa uannut pingaartuuvoq. Avannaata Kangiata imartaa sikuusanngitsoq Tunup Avannaarsuani uumasut eqqissisimaarfigaat tamatumalu peqatigisaanik mianernartorujussuulluni. Taamaattumik isumaqarpunga, sumiiffiup tamatuma asseqanngitsumik innimigineqarnissaa aalajangiisuulluinnartoq. Kommunini uagut tassaavugut aatsitassarsiorfissamut qaninnerpaami innuttaqartut, Ittoqqortoormiinilu innuttavut piniarnermik isumalluuteqartorujussuupput, oqarpoq.
Sermitsiami saqqummertumi kingullermi allaaserisaq tamaat atuaruk, taanna uani pisiarisinnaavat: