siunnersuisoqatigiit
Siunnersuisoqatigiit nutaat Naalakkersuisut siunnersussavaat
Aatsitassanut Naalakkersuisoqarfiup nunanit tamalaanit ilisimasallit katersorniarpaat, taakku aatsitassarsiornermut tunngasunik siunnersuisartuussapput, naalakkersuisoqarfiup aamma Naalakkersuisut pissarsiarfigisinnaasassaat.
Aatsitassanut siunnersuisoqatigiit nunatsinnit nunaniillu allanit ilisimasalinnik tallimanik inuttaqartut, marsip aallaqqaataani 2018-imi pilersinneqarnissaat 2018-imut aningaasanut inatsisissami tamanna takuneqarsinnaavoq.
1,5 millionit koruunit immikkoortinneqartut
Ukiuni tulliuttuni Aatsitassanut siunnersuisoqatigiinnut 1,5 millionit koruunit immikkoortinneqarput.
- Aatsitassarsiomeq pillugu siunnersuisoqatigiit namminneerlutik suliassanik saqqummiisinnaapput, Aatsitassanulli Naalakkersuisoq Naalakkersuisulluunniit aatsitassarsiomeq pillugu siunnersuisoqatigiinnut suliassanik assigiinngitsunik misissueqqusilluni qinnuiginnissinnaavoq Naalakkersuisunullu siunnersuusiorsinnaallunilu innersuussuteqarsinnaalluni, aningaasanut inatsimmi aningaasaliissutinut oqaaseqaatini tamanna allaqqavoq.
Assigiinngitsunik piginnaasallit
Sammisat assigiinngissinnaammata siunnersuisoqatigiit siammasissut katiterneqarnissaat pingaartinneqarpoq, ilisimasallit assersuutigalugu aningaasaqarnermut aamma akileraarutinut, inuiaqatigiit aningaasaqamerannut aamma piujuartitsinissamut tunngasuusinnaallutik.
Aatsitassanut siunnersuisoqatigiit pilersinneqarneratigut immikkoortoq ataaseq, naalakkersuisoqatigiinnermut isumaqatigiissummi ilaasoq piviusunngortinneqarsinnaagunarpoq.