suliffissaaleqineq
Suliffissaaleqisut suli ikiliartorput
Nunatta sineriaani suliffissaaleqisut ikiliartoraluartut Nuummi ukiup ataatsip ingerlanerani qaffariarsimapput
Nunatsinni suliffissaaleqisut ikiliartuinnarput.
Februarip qaammataani suliffissaaleqisutut nalunaarsorneqarsimasut 3.279-simapput taakkunani 595-it nunaqarfinni najugaqartuullutik. Ukiup siuliani februarimi naatsorsorneqarsimasunut sanilliukkaanni 72-nik ikileriaateqarsimallutik, Naatsorsueqqissaartarfiup kisitsisaatai nutaat taama takutitsipput.
Atuaruk: Suliffissat amerlanerusut katsorsaataapput pitsaanerpaat
Nuuk annikinnerpaavoq
Kisitsisit ikiliartoraluartut illoqarfiit pingaarnersaanni Nuummi ukiup ataatsip ingerlanerani suliffissaaleqisut ikaleriarsimapput.
Illoqarfiit pingaarnersaanni ukioq kingulleq suliffissaaleqisut 588-upput, ukiormannalu 596-ullutik. Nunaqarfiillu ilanngukkaanni suliffisaaleqisutut nalunaarsorneqarsimasut 615-niniik 630-nut amerleriarsimallutik.
Kommunimut suliffissarsiorlutik saaffiginnittartut suliffissaaleqisutut nalunaarsorneqarsimasut naatsorsuinermi atorneqarput. Suliffissarsiorluni nalunaartoqarsimatillugut suliffissarsiortoq qaammat naallugu nalunaarsorneqartunut ilannguttarput apeqqutaatinnagut qaammat tamaat ullorluunniit ataaseq suliffissaaleqisimappat. Suliffissaaleqisutut nalunaarsorneqarsimasut qaammatit tamaasa naatorsorneqartarput.
Atuaruk: Suliffissaaleqisut siorna ikileriaateqartut
Najukkanni qanoq ingerlasoqarnera, assip ataani tabel-imi takujuk