Sulinermi ajutoornerit nalunaarusiami ilanngunneqarput

Isuani saviminissamik piiaanermi isumaginninnermi kinguneqaatissat pillugit London Miningip nalunaarusiaani kinguneqaatissaqartoq takuneqarsinnaavoq. London Miningip pisortaanera Graeme Hossie siusinnerusukkut oqarsimagaluarpoq Isuani suliniut avatangiisinut ajoqusiinngitsumik ingerlanneqarsinnaasoq.
Taamatut allappoq The Guardian.
Nalunaarusiakkut, Tuluit Nunaanni soraarnerussutisiaqalernissamut aaqqissuussinerit annersaannit soorlu Standard Life-mit aamma F & C Asset Management-imit tapersersorneqartukkut, akuerineqarpoq Isuani suliniummi, kinamiut 3.000-t suliffigisassaanni, ajoqusernernik kinguneqartassasoq.
The Guardian allappoq ulorianaatillit pitsaanngitsumillu kinguneqaatissani pingaarnerpaasut isumaginninnikkut peqqissutsikkullu sunniutissat. Assersuutigalugu oqaatigineqarpoq naatsorsuutigineqartariaqartoq gruppini ulorianartorsiornerusuni isumaginninnikkut aaqqiagiinngitsoqartassasoq, aammalu naatsorsuutigineqassasoq pingaartumik sanaartornerup nalaani sulinermi ajutoortoqartarnissaa.
Allaaserisaq tamaat atuarsinnaavat uani. Allaaserisaq tuluttuujuvoq.