Sullitat isumalluarput akinilli ujartuillutik
Royal Arctic Line aamma Eimskip, Tukuma Arctica Islandimiullu umiarsuaat Dettifoss umiarsuillu pingajuattut Mary Arctica atorlugit, assartuusseqatigiittalernissaminnik ulluni makkunani aallarnisaapput. Sullitat pissangapput, pingaarutilimmilli suli tamanut saqqummiunneqarsimanngitsumik aamma ujartuillutik. Qanoq akeqassava
Royal Arctic Line sullitanut sapaatip-akunnerani kingullermi webinareqarpoq, sullitallu umiarsuaatileqatigiiffiup Eimskipimik assartuusseqateqartalernissaanik kiisalu Kalaallit Nunaata, Islandip Danmarkillu akornanni siunissami assartuinikkut aaqqiissutaalersussanik saqqummiussivigineqarlutik.
Ataatsimiinnermut Brugsenimit, Usisaammit, Pisiffimmit, Arctic Groupimit, Polar Seafoodimit, Starkimit allanillu sinniisut peqataapput.
Akit tamanut saqqummiunneqassapput
Sulisitsisuni isumalluartoqarpoq, kisiannili utaqqimaartoqarluni. Pisortap Brian Buus Pedersenip oqarneratut ”oqaasiinnaanngitsumik takutitsinissamut” piffissanngorpoq.
– Assartuinikkut inaarutaasumik ilimanaateqarnerpaanut sanilliullugu naaperiaanerit aqqutigalugit ikaarsaariarnermi suli pisariusumiikkatta pisut tamarmik qanoq inerneqarnissaat suli nalunarpoq. Piffissami tassaniikkaanni ingerlatsinikkut assartuinikullu nalorninaatillit pineqartarput, tamannalu webinarimi apeqqutigineqartorpassuit ilaannit aamma takuneqarsinnaavoq, Brian Buus Pedersen oqarpoq.
Allaaserineqartoq aviisimi Sermitsiami atuaruk. Aviisi uani pisiarineqarsinnaavoq: