takornariaqarneq
Takornariarpassuit milliardikkaanik akeqartut
Naalakkersuisut takornariat marloriaatinngortinneqarnissaannik suliffissanillu hunnorujulikkaanik pilersitsiniarlutik periaasissatut nutaatut pilersaarutiminni takorluugaqarput
Naalakkersuisut takornariartitsinermut periaasissamik kingullermik suliaqarmata (2012-imit 2015- imut atuuttumik) pilersaarut najoqqutaralugu ingerlatsisoqanngilaq.
Akerlianimmi pisoqarpoq.
Takornariammi amerlinatik ikileriarput.
Naalakkersuisut maanna nutaamik misileeqqipput, tamatumuuna piffissamut sivisunerusumut atuuttussamik.
Atuaruk: Nunamut tamarmut takornariartitsinermi pilersaarut saqqummiunneqartoq
Suliffiit nutaat 900-t
Takornariartitsinermut pilersaarut 2020-mi naasussaavoq, maannakkullu aamma isumalluarneq minnerulersimanngilluinnarpoq. Killormummi pisoqarpoq.
Periaasissatut pilersaarut naapertorlugu – innersuussutigineqartorpassuit malinneqassappata – ‘piviusorsiortuussaaq’ ukiut ingerlanerini takornariat tikittartut maanna 37.000-iusut 74.500-nngortinnissaat aamma umiarsuarnut ilaallutik takornariartartut 20.000-init 39.000-inut amerleriarnissaat naatsorsuutigineqarpoq, tamakkulu kingunerinik suliffissat nutaat 900-t pilersinneqassapput, takornariartitsinermilu ukiumut kaaviiaartinneqartartut milliardit koruunit affangajaannik amerleriaateqassallutik.
Taama amerleriaateqarnissaat kingusinnerpaamik 2040-mi piviusunngortinneqassaaq; tassa ukiut 25-t qaangiuppata.
Atuaruk: Timmisartumi billetsit akii apparnagit amerlasoorsuarnik agguagaqarsisitsivoq
Sapaatip akunnerani AG-mi saqqummertumi allaaserisaq tamaat atuaruk, bilitsillu akikillissappata qanoq pisoqartariaqarnersoq atuarlugu. Aviisi aamma uani pisiarisinnaavat: