Tele-Post: Nunami tamarmi internetsimut attaveerutillattaartoqartoq
Arfininngornermi Kalaallit Nunaanni sumiiffinni arlalinni internetsimut attaveqarniarneq teknikkikkut ajoquteqartoqarnera pissutigalugu ajornartorsiutaavoq.
Nunami tamarmi internetsimut attaveqarniarnerup ajornartorsiutaanera malugineqarsinnaavoq, Tele-Post ilisimatitsivoq.
Attaveeruttoqartarneranut suna pissutaanersoq ingerlatseqatigiiffimmi suli paasineqanngilaq, ilisimatitsissutigineqarporli pissutaasoq nassaariniarlugu taamalu attaveqaatit ajorunnaarseqqinniarlugit tamaviaarluni sulisoqartoq.
- Atuisut maannakkorpiaq assigiinngitsupilussuarnik nalaataqartartput, tassa mobilikkut bredbåndtigillu attaveqaatit kipeqattaarsinnaallutik, Tele-Postimi attaveqartarnermut pisortaq Julie Rademacher oqaluttuarpoq.
Ajoqutaasorli sumiissusersineqarpoq, attaveqaatillu tamarmik ajunngitsumik ingerlaqqilerlutik.
- Teknikkikkut ajoqutaasoq attaveeruttoqartarneranut pissutaasoq nassaaraarput aaqqillugu, Julie Rademacher oqarpoq.