Radiokkut atassuteqaat
Tele-Postip radiokkut atassuteqaataa sarfaaruteqqasoq
Sarfaaruttoorneq atuisunut Attup Nuugaatsiallu akornanni najugalinnut eqquivoq
Sapaammi ualikkut radiokkut atassuteqaat Aasiaat kujataanni Attup Uummannaaniittoq ualeq manna sarfaruttoornermik ilungersunartumik eqqugaavoq, Tele-Post ilisimatitsivoq.
Atuisullu Attup Nuugaatsiallu akornanni najugaqartut 2G, 3G, 4G, bredbånd, aammalu oqarasuaatit nalinginnaat, radio aamma TV atorsinnaajunnaaqqagallarpaat. Kiisalu sinerissami umiarsuarnut radio timmisartunullu radio aamma eqqugaapput.
Helikopteri
- Inuit taamak amerlatigisut ajutoornermik eqqugaanerat assut ajuusaarnaqaaq. Ajornartorsiutillu piaarnerpaamik aaqqinneqarnissaa ilungersorluta sulissutigaarput. Siullermik qulimiguulimmik attartorluta teknikerinik Attup Uummannaaliartitsissaagut, teknikkikkut ingerlatsinermut pisortaq Kim Hammond Zinck nassuiaavoq.
Atuaruk: Uummannaq sakkortusaaviup attaveerunneranik eqqorneqarpoq