Tunu
Tunumi illunik akisussaasut paarlaattut
Ukiumi nutaamit Inip Tasiilami aamma Ittoqqortoormiini illuutai Iseritip akisussaaffigilissavai
Ulloq 1. januaari 2016 aallarnerfigalugu Kommuneqarfik Sermersuup inissiaatileqatigiiffiata, Iseritip, Namminersorlutik Oqartussat inissiaatileqatigiiffiata Inip Tasiilami aamma Ittoqqoormiini illuutai akisussaaffigilissavai.
Iluaqutit arlallit
Tamatumunnga atatillugu Iserit erseqqissaavoq, inuiaqatigiit aningaasarsiornikkut iluaquserneqaannassanngitsut Tunumi inissiaatileqatigiiffiup ataasiinnanngortinneratigut aammali attartortut iluaquserneqassasut.
- Inissaqarniarnerup naleqqussarneratigut Tasiilami Ittoqqortoormiinilu attartortut assigiimmik pineqalissapput. Taamaaliornikkut 2009-mi kommunit kattussuunneqarmata takorloorneqartoq piviusunngortissavarput, Malene Lynge, Iserimmi siulersuisuini siulittaasuusoq oqarpoq.
Iserit A/S-p Tasiilami illut 63-t kiisalu Ittoqqortoormiini illut 14-it aqulissavai, taamaasilluni illoqarfinni taakkunani marlunni illut 425-t aqutarilerpai.
Atuaruk: Manna tikillugu angusat pitsaanersaat