Uranisiorfissat akerliussutsimik takutitsivigineqartut
Urani Naamik Kalaallit Nunaanni Qallunaat Nunaannilu sisamanngorpat takutitsissapput
Uranimut akerliusut sisamanngorpat ulloq 25. april nalunaaqutaq 16:15 aqqusinermi ingerlaaqatigiillutik aallartissapput.
Urani Naamik kaammattuivoq, Narsami, Qaqortumi, Nuummi, Qasigiannguani, Københavnimi, Hundestedimi aamma Århusimi kiisalu nunaqarfinni Qassiarsummi aamma Narsarsuarmi, akerliussutsimik takutitsisoqassasoq.
- Nunarsuatta nuna minguitsoq pisariaqartippaa tamannalu nunatsinni pigaarput nunarsuarmioqatitsinnit
nunatut minguitsutut isigineqarnerput nalitoorujussuuvoq siunissamilu iluaqutissaavoq
pingaaruteqarluinnartoq, Urani Naamik tusagassiutinut nalunaarutaani allassimavoq.
- Taamaammat nunatsinni aatsitassarsiorfiit uranitallit pisariaqartinngilagut, taakkumi mingummik
salinneqarsinnaanngitsumik kinguneqartarput.
- Uranilu sumi tamani aqqusaakkamini mingutitsiuartussaavoq Kalaallit Nunaat nunarsuarmioqatitsinnut
mingummik salinneqarsinnaanngitsumik tunioraasariaqanngilaq.
Urani Naamik naapeterlugu, Nunavumi Qeqertamilu Ålandimi aamma akerliussutsimik takutitsisoqassaaq.
Suliniutit Kuannersuarmi aammalu Killavaat Alannguani kingusinaartoqartinnagu akerliussutsimik takutitsivigineqassapput.
- Kingusinaannginnitsinnimik taavarput isumaqaratta naalakkersuisutta taakkulu tapersersortaasa
ullumikkumut assut sukkasuumik aatsitassarsiorniat sullimmatigit uagullu innuttaasut qarsutiinnarluta
isummagut annerusumik tusaajumanagit ingerlatsineq akueriinnarsinnaajunnaaratsigu.