akerliuniat
Uumasunik illersuiniaqatigiiffiup Mary uumigigaa
Kunngissap nulia Nuummut tikeraarnermini puisip amianik atormat, PETA-mit maluginianngitsoorneqanngilaq
Kunngissap nulia Mary amermik ilumoortumik atorami uummateqanngitsutut aamma inuiaqatigiinni pissutsinut malinnaanngitsutut saqqummerpoq.
Uumasunik illersuiniaqatigiiffiup PETA-p Australiami immikkoortortaqarfiata tuluit aviisiannit Daily Mailimit apersorneqarneranit oqariartuut taama nipeqarpoq.
Nuummiittoq
Kunngissap nulia nammineq Australiameersoq, arnanut nakuusertarneq pillugu ataatsimiinnermik ammaanerminut atatillugu Nuummut tikeraarnermini, puisip amianik Great Greenlandimeersumit kavaajaqarnerata kingorna isornartorsiuneq pivoq.
Atuaruk: Kronprinsesse Mary Nuummi ataatsimiinnermik ammaassaaq
Amermik pisiumajunnaartoqarli
- Australiami inuit amerlanerpaartaasa ammit ilumoortoq atisariumanngilaat, maannalu kunngissap nulia uumasunut pitsaasumik iliuuseqarluni amivinnik atortarunnaartariaqarpoq, Australiami immikkoortortaqarfimmi pisortaq, Ashley Fruno, aviisimut oqarpoq.
Atuaruk: Great Greenland: Piaartumik annertuumillu puisip amiinik amigaateqarneq
Kunngikkormiut uumasunik illersuiniaqatigiiffinnit aatsaat siullermeerlutik isornartorsiorneqalinngillat.